I lindur më 8 Janar 1977, në Shkup.
Shkollën e mesme e ka kryer në gjimnazin “Zef Lush Marku” në Shkup, kurse fakultetin e ka kryer në Universitetin Shën Qirili dhe Metodi, në Fakultetin e Ekonomisë, dega Menaxhim financiar dhe kontabilitet.
Momentalisht është duke ndjekur studimet post-diplomike, në Fakultetin e Ekonomisë në Shkup, me specializim në lëmin e menaxhimit publik.
Eksperiencën profesionale të punës e ka filluar në shkollën e mesme “Arseni Jovkov”, duke ligjëruar lëndët ekonomike nga viti 2001 deri në 2003.
Më pas vazhdon si bashkëpunëtorë ekonomik në Postën e Maqedonisë deri në vitin 2005.
Që nga Prilli i vitit 2005 zgjidhet për kryetar i komunës Çair, me çka me sukses të jashtëzakonshëm fillon të ushtrojë këtë detyrë, pozicion ky që mban aktualisht.
Gjatë periudhës së ushtrimit të detyrës Kryetari i parë Shqiptar i Komunës Çair, implementon me sukses mbi 100 projekte me çka i ndryshon imazhin kësaj pjese të Shkupit, gjithnjë duke mos hezituar ti përballojë edhe sfidat më të rënda të cilat u paraqitën në këtë periudhë.
Është promotor i ideve për bashkëpunim me sektorin civil, me shoqatat e ndryshme, gjithnjë duke marrë mendimin dhe sugjerimet pozitive që shprehin këto.
Gjatë periudhës së kaluar prej katër vitesh, veçohet me atë që filloi dhe përfundoi mjaft iniciativa, duke filluar nga ato të infrastrukturës komunale, rrugëve, ndriçimit, e poashtu me zbatimin dhe përkrahjen e shumë manifestimeve dhe vlerave kulturore dhe shpirtërore të qytetarëve të Çairit. Menaxhimi i tij me këtë komunë ka dhënë një kontribut të jashtëzakonshëm për faktorizimin e fjalës së shqiptarëve në Shkup.
• Hyrja e Çarshisë së Vjetër të Shkupit nga ana e lumit Vardar gjatë 45 ditëve të ardhshme do të rinovohet. Përveç pllakave të reja në këtë pjesë të qytetit është parashikuar të vendoset dhe ndriçimi rrugor. Ky investim shtë pjesë e projektit të përbashkët të Komunës së Çairit dhe qytetit.
„Për këtë punim që fillon sot procedura është hapur në kohën para zgjedhjeve procedura e tenderimit është kryer, ndërmarrja është zgjedhur dhe sot fillojmë me punimin. Kjo është plotësisht ligjore. Në çarshinë e vjetër komuna e Çairit dhe qyteti kanë realizuar projektin e kalldërmës shumë më herët dhe kjo është vetëm realizimi i një pjesë të kalldërmës“, tha Izet Mexhiti, kryetar i Komunës së Çairit.
Me programin për ringjalljen e Çarshisë së vjetër është parashikuar ndriçim i tërësishëm i saj si dhe vendosja e sistemit wireless të internetit.
+(Custom).jpg)
