FRBDI "Forumi Rinor i BDI-së dega ÇAIR"

2009-03-20T14:59:00.001-07:00

Memorandum bashkëpunimi me ESNAF-in dhe Tregtarët

2009-03-18T18:37:00.000-07:00

Kryetari i Komunës Çair, Izet Mexhiti sot në Teatrit Shqiptar firmosi bashkëpunimin me Esnaf-in e Çarshisë së Vjetër dhe me Shoqatën e tregtarëve Prosperiteti

Ky Memorandum do të jetë kornizë për të vazhduar bashkëpunimin e deritanishëm të sukseshëm edhe në të ardhmen.

Përveç pikave tjera për të implementuar projkete dhe aktivitete të ndryshme për ringjalljen e Çarshisë së Vjetër dhe përmirësimit të kushteve të tregtarëve në tregun e Bit Pazarit, ky memorandum parashikon edhe angazhimin e këshilltarëve në kabinetit e Kryetarit të Komunës që do ti nominojnë këto dy subjekte partnere, me çka bashkëpunimi dhe kontaktet do të intensifikohen në të ardhmen.

FORUM për zgjedhje të lira dhe demokratike

2009-03-18T18:34:00.000-07:00

Në një forum të gjërë, ku morrën pjesë ambasadori i SHBA-ve, z. Filip RIker dhe ajo e UNDP-së Marie Luis dhe përfaqësues të partive politike

u bisedua për angazhimin e të gjitha partive politike për organizimin e zgjedhjeve sa më të qeta, fer dhe demokratike.

Kryetari i komunës, Izet Mexhiti, shprehi se këtë cikël zgjedhor, pasi BDI është pjesë e qeverisë, është më se evidente se parregullësite dhe dhuna zgjedhore është dukshëm e zvogëluar. Pas një diskutimi të gjërë edhe me pjesëmarrës të shoqatave joqeveritare, të gjithë potencuan nevojën për përmirësimin e imazhit demokratik të vendit përmes mbajtjes së zgjedhjeve sa më të lira.

Takim me ambasadorin e UNDP-se

2009-03-18T18:31:00.000-07:00

Kryetari i Komunës Çair, Izet Mexhiti, sot kishte takim me ambasadoren e UNDP-së në Maqedoni,

z-nja Maria Luisa, të cilët biseduan për ecurinë e fushatës parazgjedhore, si dhe për mënyrat se si të motivohet pjesëmarrja sa më aktive e të gjitha shtresave të qytetarëve për zgjedhje të lira dhe demokratike.

U përkujtuan veteranët e arsimit shqip

2009-03-07T11:25:00.001-08:00

Me rastin e 7 Marsit, ditës së mësuesit dhe 122 vjetorit të hapjes së shkollës së parë shqipe, komuna e Çairit ka përkujtuar veteranët e arsimit duke i shpërblyer mësuesit me dhurata simbolike. “Komuna e Çairit sikur edhe më parë edhe tani, por edhe në të ardhmen ka ditë dhe do të dijë ti çmojë këto vlera dhe këta njerëz duke vepruar në bazë, duke bërë riparimin e shkollave dhe çerdheve, duke ndërtuar shkolla të reja, duke ngritë cilësinë e arsimit nëpërmjet themelimit të sektorit për arsim, duke organizuar simpoziume shkencore dhe duke bërë trajnimin e vazhdueshëm të arsimtarëve në të gjitha nivelet”, theksoi Izet Mexhiti, kryetar i komunës së Çairit.

Hapja solemne e Biznes Qendrës

2009-03-06T09:36:00.001-08:00

Kryetari i Komunës së Çairit në fjalimin e tij u përqëndrua në rëndësinë që kjo qendër do ta ketë në të ardhmen për sipërmarrësit e mesëm dhe të vegjël. Synimi kryesor i kësaj qendre do të jetë përkrahja e bizneseve ekzistuese të vogla dhe të mesme, si dhe stimulimi për fillim të bizneseve të reja.

Rinovime në Çarshinë e Vjetër

2009-03-06T09:07:00.000-08:00

• Hyrja e Çarshisë së Vjetër të Shkupit nga ana e lumit Vardar gjatë 45 ditëve të ardhshme do të rinovohet. Përveç pllakave të reja në këtë pjesë të qytetit është parashikuar të vendoset dhe ndriçimi rrugor. Ky investim shtë pjesë e projektit të përbashkët të Komunës së Çairit dhe qytetit.

„Për këtë punim që fillon sot procedura është hapur në kohën para zgjedhjeve procedura e tenderimit është kryer, ndërmarrja është zgjedhur dhe sot fillojmë me punimin. Kjo është plotësisht ligjore. Në çarshinë e vjetër komuna e Çairit dhe qyteti kanë realizuar projektin e kalldërmës shumë më herët dhe kjo është vetëm realizimi i një pjesë të kalldërmës“, tha Izet Mexhiti, kryetar i Komunës së Çairit.
Me programin për ringjalljen e Çarshisë së vjetër është parashikuar ndriçim i tërësishëm i saj si dhe vendosja e sistemit wireless të internetit.

Kryetari i Komunës së Çairit mori pjesë në hapjen solemne të parkut “Adem Jashari”

2009-03-05T07:55:00.000-08:00

• Në komunën “Bajrampasha” në Stamboll të Turqisë të premten është bërë hapja solemne e parkut “Adem Jashari”. Kryetari i komunës së Çairit ishte mysafiri i vetëm nga Maqedonia që mori pjesë në hapjen soleme të parkut që e mban emrin e heroit tonë legjendar Adem Jashari.

Në manifestim i pranishëm ishte edhe një delegacion nga Kosova i udhëhequr nga ministri i Punëve të Brenshme të Kosovës Zenun Pajaziti dhe anëtarë tjerë qeveritarë nga Kosova. Në manifestim mori pjesë edhe kryetari i Stambollit, ministri i Ekologjisë në qeverinë turke si dhe deputetë nga të Parlamentit turk. I tërë manifestimi ishte nën patronazhin e komunës “Bajrampasha” me kryetarin e saj Hysej Bikce. Kreu i komunës së Çairit, Mexhiti realizoi takim me homologun e tij nga Stambolli dhe deputetët e Parlamentit të Turqisë.
Vlen të theksohet se në parkun “Adem Jashari” është ndërtuar edhe një miniaturë e
Sahat Kullës së Shkupit.

Përurimi i sallës sportive dhe dyshemesë të shkollës fillore “Nikolla Vapcarov”

2009-03-03T08:53:00.002-08:00

• Me datë 02.02.2009 Kryetari i Komunës së Çairit z. Izet Mexhiti bëri përurimin e sallës sportive dhe dyshemesë të shkollës fillore “Nikolla Vapcarov”. Në këtë solemnitet ishin prezentë, arsimtarë, qytetarë si dhe mysafir, para të cilëve për punën e realizuar si dhe për ndihmën financiare që ua dha Komuna Çair, u falemenderua drejtoresha e shkollës Merita Koxhaxhiku.

Komuna e Çairit do te pasurohet me një qendër universitare

2009-03-03T08:53:00.001-08:00

• Komuna e Çairit, e perfaqsuar nga kryeatari z-ri Izet Mexhiti dhe Universiteti ndërkombëtar i Ballkanit, i përfaqësuar nga rektori prof.dr. Hyner Shenxhan, nënshkruan një memorandum për bashkëpunim .

Nënshkrimi i këtij memorandumi është i rëndësishëm për të dy palët sepse së shpejti parashihet që në një afat optimal të hulumtohen mundësitë për materijalizimin e këtij memorandumi.

Pas implementimit të mundshëm të dispozitave të këtij memorandumi do të

krijohen kushte te mira për arsim cilësor dhe përgatitjes se kuadrove të profileve të ndryshme që do të dalin nga kjo qendër. Sipas deklarimit te kryetarit z-ri Izet Mexhiti, synimi është që Komuna Çair të shëndrohet ne një komunë universitetesh.

Ndërtohet çezmja në Çarshin e Vjetër në shërbim të qytetarëve

2009-03-03T08:38:00.000-08:00

• Kryetari i komunës së Çairit, z-ri Izet Mexhiti me bashkëpunëtoret e tij nënshkroi kontratën për bashkëpunim me fondin e Holokaustit te hebrenjve të RM. Me donacion të këtij fondi në vlerë prej 750 mijë denar, komuna e Çairit bën ndërtimin e një çezme e cila do të jetë e vendosur në Çarshinë e vjetër më saktësisht ne platon në afërsi te xhamisë se Murat Pashës.

Punët për vendosjen e çezmës sipas marrëveshjes do te kryhen deri 11 mars 2009 ku do te behet edhe hapja solemne e çezmës.

Kjo çezme ka për qëllim rregullimin e ambientit për revidimin e Çarshisë.

Në Komunën e Çairit, nata bëhet ditë

2009-03-03T08:24:00.000-08:00

• Ndriçimi i rrugëve – ndërrimi i llambave elektrike Komuna e Çairit më 27.12.2007 filloi me punët për ndriçimin e rrugëve, ku janë bërë ndërrimet e llambave, siguresave, qafëzave dhe mjeteve tjera për ndriçim dhe sipas dinamikës punët janë duke u realizuar në këto rrugë:

- Pavle Iliq
- Krste Asenov
- Pavle Iliq (pjesa e dytë)
- Strumiçka
Punët për ndriçim vazhdojnë edhe në rrugët:
- Strumiçka (pjesa e dytë)
- Resenska
- Vukovarska
- Dizhonska me rrugicat e veta
- Rrugët dhe parqet në lagjen Fushë Topanë, rrugët në lagjen Gazi Babë, Serava, Dyqanxhik dhe Saat Kulla.

Riparim në ShF Nikolla Vapcarov

2009-03-03T08:18:00.000-08:00

• Komuna Çair intervenoi me riparim të sistemit të nxehjes qendrore në objektin e shkollës fillore "Nikolla Vapcarov".

Me këtë u larguan defektet që pengonin funksionimin e sistemit. Tani shkolla kryen këtë shërbim pa pengesë.

Urbanizimi i lagjes Dizhon

2009-03-03T08:17:00.001-08:00

• Një ndër aktivitetet kryesore të Komunës është edhe marrëveshja e arritur për realizimin e projektit ideor për lagjen Dizhon, i cili përfshin:

- Kanalizimin e tërësishëm të lagjes, të cilën do të finanson TIKA, fondacion nga Turqia,

- Ujësjellësin, të cilin do ta finansojë qyteti i Shkupit dhe

- ujrat atmosferike, që do ta zbatojë dhe finansojë Komuna e Çairit.

Me këtë, lagjia e Dizhonit, përfundimisht pas 30 vitesh do të ketë infrastrukturë nëntokësore që i përgjigjet numrit të banorëve dhe kushteve hapësinore.

Komuna Çair do të vazhdojë me projekte të ngjashme edhe për të gjitha lagjet që kanë problem me infrastrukturën nëntokësore., përfshirë Gazi Babën, me gjatësi prej 1600 metrash i cili do të finansohet nga Komuna Çair.

Solemnitet për rikonstruimin e Xhamisë

2009-03-03T08:13:00.001-08:00

• Në orën 14:20 (namazi i Iqindisë) u solemnisht u shënua rikonstruimi i xhamisë Evlija Qelebija.

Rikonstruimi u bë me ndihmën e mjeteve të dhëna si donacion nga dy qytetarë nga Osman Gazi i Bursës. Të pranishëm në solemnitet, përveç kryetarëve të Komunave në fjalë, ishin edhe donatorët e xhamisë, si dhe përfaqësues nga Myftina e Shkupit.

Riparime të Parkut të Çairit

2009-03-03T08:10:00.000-08:00

• Në parkun e Çairit janë bërë disa riparime përfundime rreth dekorimit të parkut.

Me këto intervenime, parku i Çairit fitoi pamje të tërësishme. Tani, Komuna është në përgatitje e sipër të projektit për vendosjen e një fontane të madhe në qendër të këtij parku.

Promovim solemn të Profilit të Komunës dhe të Strategjisë për Zhvillim Ekonomik Lokal

2009-03-03T08:02:00.000-08:00

• Në orën 13:00 Komuna Çair bëri promovimin solemn të Profilit të Komunës dhe të Strategjisë për Zhvillim Ekonomik Lokal. Këto dy dokumente me rëndësi për Komunën, do të jenë udhëzuesi i punës së Komunës, gjatë krijimit dhe realizimin të projekteve që synojnë përmirësimin e jetës së qytetarëve.

Hapjen solemne e bëri Kryetari i Komunës, i cili në fjalë të shkurta elaboroi për rëndësinë që kanë këto dy dokumente. Më pas, prezentim të hollësishëm bëri koordinuesi i projektit z. Afrim Useini (foto), gjithashtu rreth këtyre dokumenteve, vlerësim shum pozitiv dhanë edhe drejtori i USAID, z.Majkëll Edi, dhe koordinuesja e USAID-it për këtë projekt, zonja Rozalia Vasileva